Арсенал скапо ќе ја плати грешката: Нуди богатство за „своето дете“

Европските гиганти се „тепаат“ за потписот на новата холандска ѕвезда и член на ПСВ, Донјел Мален.

Овој 20 годишен фудбалер кој ја помина академијата на Ајакс и Арсенал игра одлична сезона и на 12 настапи постигна 9 голови. Неодамна се прослави кога во натпреварот против Витесе ги постигна сите пет гола за својот тим во победата од 5:0.

Мален пристигна во ПСВ за само еден милион евра, но неговата цена вртоглаво порасна, а Арсенал сака да ја исправи грешката и да го врати на „Емирати“.

ПСВ за неговата слобода бара 50 милиони евра, сума која наводно Арсенал е спремен да ја плати со тоа да ја исправи грешката што лесно се откажа од „своето дете“.