Арсенал во потрага по замена за Велбек: Обложувалниците имаат фаворити

Oткако се повреди Дани Велбек тренерот на Арсенал, Унаи Емери веќе тргнал во потрага по негова замена.

Во овој момент неколку имиња се во игра, а англиските обложувалници веќе ги одредија коефициентите.

Засега за најголем фаворит важи крилниот напаѓач на Лил, Николас Пепе со коефициент 2.25. Утрово се појави вест дека клубот од Лондон е спремен да плати 27 милиони фунти за неговите услуги. Сепак, за овој фудбалер интерес покажа уште Тотенхем.

Зад Пепе следуваат Кристијан Павон од Бока Јуниорс за кого коефициентот изнесува 3.25 и Вилфред Заха од Кристал Палас.

Арсенал веќе на големо работи на тоа да одлучи кој од овие играчи е најдобро и најисплатливо решение, а што ќе одлучат ќе видиме во текот на јануарскиот преоден рок.