Арсенал во пол-позиција за Хамес Родригез

Хамес Родригез минатото лето се врати во Реал Мадрид, но не е во плановите на Зинедин Зидан, па „кралевите“ го ставија на трансфер листа.

Колумбиецот ова лето сигурно ќе ја промени средината, а интерес за него покажуваат неколку клубови ширум Европа. Сега во траката за неговиот потпис се приклучи и Арсенал, бидејќи Хамес е голема желба на тренерот Артета.

„Топџиите“ наскоро ќе стапат во конакт со неговиот агент и ќе започнат преговори за трансфер на 28-годишниот офанзивен играч.

Самиот играч преферира преселба во Премиер лигата, каде покрај Арсенал интерес за него покажуваат уште Евертон и Вулверхемптон.

Меѓутоа, Арсенал во моментов е во пол-позиција за неговиот потпис, а трасферот би требало да изнесува помеѓу 35 и 40 милиони евра.