Аргентина пред одлучувачкиот меч: Промена на формацијата и изненадување во нападот!

Аргентина е во лоша ситуација па вечерва натпреварот против Еквадор ќе биде „да се биде или не“ за „Гаучосите“.

Аргентина доколку сака да извади виза за Русија ќе мора да го победи Еквадор и така да ја прекине црната серија од пет пораза против оваа репрезентација.

Аргентинците против Перу играа во формација 4-2-3-1 што не се покажа како добар избор иако создадоа многу шанси за гол. Поради тоа селекторот Сампаоли размислува за промена на формацијата, но и на некои фудбалери пред историскиот меч со Еквадор.

„Гаучостите“ во Кито би можеле да играат во формација 3-3-3-1 или 3-4-2-1, а за разлика од мечот со Пери од стартната постава ќе испаднат Ди Марија и Банега.

Многу веројатно е дека Аргентина ќе игра со тројца фудбалери во последната линија и дека Маскерано ќе биде прекомандован во средниот ред.

На негово место во одбраната ќе игра Фацио од Рома кој заедно со Отаменди и Маркадо ќе ја сочинуваат дефанзивната линија. Маскерано и Биглија ќе играат во средниот ред, а по страните ќе бидат Акуна и Ригони. Меси и Папу Гомез ќе играат позади Бенедето во нападот.