Анчелоти: Јувентус ќе се врати и ќе се бори за Скудетото

Искусниот италијански стратег Карло Анчелоти во интервју за италијанските медиуми ја коментираше ситуацијата во Серија А.

Анчелоти верува дека и покрај катастрофалниот старт, сепак Јувентус може да се врати во борбата за Скудетото.

„Што се случува со Јувентус? Од надвор е тешко да се каже. Тимот ја загуби замодовербата и се бори за да најде континуитет. Сигурен сум дека со тек на време Јувентус ќе оди на горе и ќе се бори за Скудетото“, изјави Анчелоти.

„Интер е силен бидејќи го задржа костурот на тимот и против нас во ЛШ играа одлично. Милан оваа сезона исто така е одличен тим спремен да се бори за важни трофеи. Мурињо врши одлична работа во Рома и мислам дека ќе има успех“, додаде Анчелоти.