Баерн Минхен денес го комплетираше трансферот на Хамес Родригез кој доаѓа од Реал Мадрид на двегодишна позајмица за која Баварците ќе платат 10 милиони евра, а по две години ќе имаат право да го откупат за 35 милиони евра.
Хамес во Баерн пристигнува по инсистирање на Карло Анчелоти кој добро ги познава неговите квалитети бидејќи работеше со него во Баерн Минхен.
Пред дербито, падна најважниот потпис во Манчестер Сити! ↓↓↓
Даглас Коста заминува во Јувентус, а Франк Рибери ќе добива се помала минутажа, па Хамес најверојатно ќе има сигурно место во стартниот тим.
Со доаѓањето на Колумбиецот, Анчелоти најверојатно ќе ја промени тактиката од минатата сезона и ќе игра со Хамес позади двајца напаѓачи, односно со формација 4-3-1-2.
Во средниот ред ќе играат Видал, Алкантара и Толисо, а во одбраната Кимик ќе го заземе местото на Лам кој се пензионираше.
Учество во игри на среќа е дозволено за лица со 18+ години. Играј одговорно!