Анчелоти: Нема шанси Модриќ да замине, тој е непроценлив за Реал

Тренерот на Реал Мадрид, Карло Анчелоти стави крај на шпакулациите околу евентуалното заминување на Лука Модриќ од „кралскиот“ клуб.

Модриќ не играше против Лас Палмас и Џирона во првенството, откако беше заменет против Атлетико и доби многу критики.

Факт е дека оваа сезона Модриќ не е на своето препознатливо ниво, па се појавија шпекулации дека може уште во јануари да си замине од Реал.

„Модриќ ќе замине во јануари? Нема шанси. Тој не сака да замине и ние сме многу среќни поради тоа. Да, тој е незадоволен од минутажата и тоа е очигледно, но јас разговарам со него секој ден и тој сепак е екстра мотивиран. Тој е лидер. Модриќ е непроценлив за Реал“, изјави Анчелоти.