Анчелоти за младиот Паз: Тој е иднината на Реал Мадрид

Реал Мадрид синоќа го победи Наполи во ЛШ, а мечот го одбележа младиот Нико Паз кој постигна деби гол.

19-годишниот фудбалер веднаш ги освои срцата на навивачите, а тренерот Карло Анчелоти истакна дека е иднината на „кралскиот“ клуб.

„Нико му помогна на тимот. Верувајте ми, тој е играч за иднината на Реал Мадрид. Ги има сите квалитети за да игра долги години во тимот“, кажа Анчелоти.

„Ова е сон! Не знаев што правам, само ја удрив топката и влезе, го загубив умот. Реал Мадрид е една од најдобрите академии во светот, ако не и најдобра. Премногу, премногу сум горд“, изјави младиот фудбалер.