Анчелоти демантира дека се договорил со Бразил: Тоа се лаги!

„ЕСПН“ Бразил обајви дека Карло Анчелоти се согласил да биде селектор на бразилската репрезентација од ова лето.

Бразил е во потрага по нов селектор, медиумот објави дека Анчелоти постигнал договор да остане на кормилото до Светското првенство во 2026 година.

Меѓутоа, самиот Анчелоти веднаш демантираше и истакна дека планира да остане во Реал Мадрид до крајот на договорот.

„Не сум договорен со Бразил, не знам од каде се тие лаги што ги изнесуваат медиумите од оваа земја. Немаме ниту водено конкретни разговори, а камоли да сум постигнал договор на оваа тема. Вистината е една и единствена, јас сум под договор со Реал до 2024 година и размислувам само за овој клуб“, изјави Анчелоти.