Анте Ребиќ се враќа во Серија А?

Хрватскиот фудбалер Анте Ребиќ од следната сезона би можел повторно да игра во Серија А.

Италијанскиот новинар Џанлука ди Марцио пренесува дека за овој напаѓач е заинтересирана Верона за која настапуваше пред девет години.

Ребиќ во претходната сезона одигра 23 натпревари за Бешикташ и постигна само еден гол, па неговото заминување е сигурно иако има договор до јуни следната година.

Пред заминувањето во Турција, во Серија А, хрватскиот фудбалер играше за Фиорентина и Милан. Во Германија ги носеше дресовите на Лајпциг и Ајнтрахт.

Ребиќ веќе подолго време е во конфликт со хрватскиот селектор Златко Далиќ и не е дел од репрезентацијата на Европското првенство во Германија.