Англиски фудбалер на Блекпул призна дека е геј

17-годишниот напаѓач на Блекпул, Џејк Даниелс призна дека е со хомосексуална сексуална ориентација.

Даниелс така стана првиот британски професионален фудбалер кој јавно објави дека е хомосексуалец и втор фудбалер воопшто во светот.

Тој призна дека ја криел својата сексуална ориентација како млад човек „бидејќи сакал да биде професионален фудбалер“. Сега вели дека „е вистинското време да се биде свој, слободен и безбеден“.

„Со денови размислував како и кога да го направам тоа и чувствувам дека сега е вистинското време. Сакам луѓето да знаат кој сум вистинскиот јас, постојаното лажење не е она што сакам да го правам. Се борев, но сега се чувствувам подготвен да бидам свој и слободен“, изјави фудбалерот.

Даниелс изјави дека добил поддршка од своите соиграчи и клубот кој се натпреварува во Чемпионшип.

„Откако излегов во јавност пред моето семејство, мојот клуб и соиграчите, тој период на претерано размислување за се и стресот што го создаваше исчезна. Тоа влијаеше на моето ментално здравје. Сега сум само сигурен и среќен што конечно сум свој“, изјави Даниелс.