Ангеловски го објави списокот, Стојановски дебитант!

Селекторот на македонската фудбалска репрезентација, Игор Ангеловски го објави списокот на фудбалери за престојните квалификациски натпревари против Израел и Летонија.

Ангеловски повика 23 фудбалери за средбите со Израел (5 септември) и Летонија (9 септември), а ново име е напаѓачот на француски Ним, Влатко Стојановски.

Ангеловски нема да може да смета на Стефан Ристовски кој е повреден, а во составот се враќаат Стефан Спировски и Иван Тричковски кои беа отсутни поради повреди.

Список на повикани играчи:

Голмани: Столе Димитриевски (Рајо Ваљекано, Шпанија), Дејан Илиев (Серед, Словачка), Дамјан Шишковски (Работнички);

Одбрана: Висар Муслиу (МОЛ Фехервар, Унгарија), Егзон Бејтулаи (Шкендија), Кире Ристевски (Ујпешт, Унгарија), Дарко Велковски (Ријека, Хрватска), Ѓоко Зајков (Шарлроа, Белгија), Езџан Алиоски (Лидс Јунајтед, Англија);

Среден ред: Енис Барди (Леванте, Шпанија), Аријан Адеми (Динамо Загреб, Хрватска), Бобан Николов (МОЛ Фехервар, Унгарија), Стефан Спировски (Ференцварош, Унгарија), Елиф Елмас (Наполи, Италија), Кире Маркоски (АЕЛ Лимасол, Кипар), Марјан Радески (Шкендија), Љупчо Дориев (Академија Пандев);

Напад: Горан Пандев (Џенова, Италија), Иван Тричковски (АЕК Ларнака, Кипар), Илија Несторовски (Удинезе, Италија), Александар Трајковски (Мајорка, Шпанија), Крсте Велкоски (Сараево, БиХ), Влатко Стојановски (Олимпик Ним, Франција);

Собирот на репрезентацијата е закажан за 2 септември во Скопје.

„Сигурно не би бил задоволен ако освоиме под три бода од овие два натпревари. Три бода би било добро, над три бода многу добро“, изјави Ангеловски.