Поранешниот македонски младински репрезентативец Марјан Алтипармаковски е најновото засилување на Брегалница пред стартот на новата сезона во Првата македонска фудбалска лига.
Искусниот 30-годишен офанзивец треба да донесе сериозен квалитет за нападот на „сините“. Алтипармаковски изминатава сезона настапуваше за Струга ТЛ, а претходно во богатата кариера беше дел и од Пелистер и Работнички во македонскиот шампионат, како и од Ксанти и Панилиакос во Грција, Интер Запрешиќ во Хрватска, литванска Судува, Сараево од БиХ и албански Лачи.
Goblin Games - Индустријата за Board Games е во огромен подем! ↓↓↓
„Брегалница продолжува со ангажманот на докажаните македонски прволигашки имиња како засилување на играчките редови, а дополнение и на младоста во тимот на која и тоа се посветува внимание“ – истакна спортскиот директор Никола Тонев, по потписот на договорот со Алтипармаковски.
Од претходно, како што е познато, нови членови на Брегалница се и српскиот офанзивец Милан Ѓокиќ, поранешниот бугарски репрезентативец Иван Минчев, кој игра во средниот ред, како и крилниот офанзивец Бобан Георгиев кој пристигна од редовите на Борац Бања Лука. Засилена е и одбраната со македонскиот дефанзивец Даниел Мојсов, повратникот Стефан Коцев и Хрватот Антонио Азиновиќ.
Учество во игри на среќа е дозволено за лица со 18+ години. Играј одговорно!