Алегри: Имаме психолошки проблем

Јувентус синоќа доживеа уште еден шокантен пораз на домашен терен, овој пат од Сасуоло (1:2).

„Старата дама“ игра лошо од почетокот на сезоната и моментално заостанува цели 13 бода зад лидерот Милан.

Тренерот Макс Алегри беше лут после мечот и истакна дека неговиот тим има психолошки проблем.

„Мораме да бидеме подобро организирани, ваквите натпревари те тераат да го загубиш и тоа што неможеш да го добиеш. Без разлика на се, мислам дека проблемот кај нас е психолошки“.

„Проблемот е во менталитетот, а не во физичката подготвеност. Не ги искористивме нашите шанси и сами си го искомплициравме натпреварот. Против Интер бевме посмирени, вечерва избрзувавме. Јувентус не смее да прима вакви голови, ова не смее да ни се повтори“, изјави Алегри.