Алегри го доби Игуаин, но под знак прашалник е нов хендикеп пред Тотенхем

„Старата дама“ пред тешкото гостување во Лондон се најде во големи проблеми, со оглед на тоа дека напаѓачот Гонзало Игуаин мора да паузира поради повреда на скочниот зглоб.

Аргентинецот поради оваа повреда го пропушти мечот во Серија А против Лацио, но денес го одработи целиот тренинг со остатокот од екипата, па сигурно е дека ќе отпатува во Лондон.

Сепак, се уште не се знае дали Игуаин ќе биде подготвен да го почне мечот на „Вембли“.

Меѓутоа, хендикеп за Максимилијан Алегри би можело да биде отсуството на Манџукиќ, со оглед на тоа дека хрватскиот фудбалер денес тренираше одвоено од екипата, па е под знак прашалник за средбата со Тотенхем.

За потсетување, Дибала по два месеци пауза поради повреда на задната ложа во саботата ги одигра сите 90 минути против Лацио и го постигна победничкиот погодок, така што сигурно ќе биде во екипата на Јувентус за реванш средбата од осминафиналето во ЛШ.