Алаба го избра Реал Мадрид, познати детали од договорот

Давид Алаба денес и официјално потврди дека на крајот од сезоната заминува од Баерн Минхен.

Алаба со Баерн освои се што можеше да се освои, а во Минхен пристигна уште пред 13 години. Но, на крајот на оваа сезона ќе го напушти Баерн како слободен играч бидејќи му истекува договорот.

Шпанските и германските медиуми немаат дилеми дека Алаба кариерата ќе ја продолжи во Реал Мадрид. Австриецот веќе постигнал договор со „кралскиот“ клуб, а откриени се и детали.

Имено, Алаба ќе потпише 4-годишен договор со Реал Мадрид и годишно на „Сантиаго Бернабеу“ ќе заработува 12 милиони евра.

Алаба имал пет конкретни понуди од други клубови, но донел одлука кариерата да ја продолжи во Реал Мадрид.