„Ако сака „Ред Бул“ уште утре може да го купи Роналдо“

Компанијата Ред Бул во 2005 година одлучи да влезе во светот на фудбалот купувајќи го Салзбург од Австрија.

Во претходните 15 години Ред Бул вложи многу пари во фудбалот и токму поради тоа екипата на Салзбург од сезона во сезона бележи се подобри резултати. Оваа компанија која го купи и Лајцпиг за само неколку години направи неверојатен успех.

Покрај овие клубови тие ги посетуваат Њујорк Ред Бул, Ред Бул Бразил, Ред Бул Брагантино и Ред Бул Ган. Јасно е дека финансиски се и тоа како моќни, а за тоа зборуваше и германскиот фудбалер Оливер Краги.

Краги две години играше во Австрија и не крие дека е воодушевен од напредокот на Салзбург, но и Лајцпиг. Во овој момент тој игра за Беневенто и на јавноста во Италија се обиде да објасни колку оваа компанија е моќна.

„Салзбург беше одличен во Лигата на шампоните оваа сезона, но што да се каже за Лајпциг кој го исфрли Тотенхем во осминафиналето. Ред Бул вложи многу пари во ови клубови и тоа го видов додека играв во Австрија. Тие ако сакаат уште утре можат да го купат Роналдо. Имаат многу пари, но воодушевен што одат чекор по чекор и вложуваат во млади играчи, а не купуваат ѕвезди“, објасни Краги.