Азар жестоко го „пецна“ Тотенхем!

Ѕвездата на Челзи Еден Азар не пропушти шанса да го „пецне“ Тотенхем.

„Сините“ оваа сезона се борат за пласман во Топ 4 во Премиер лигата, а Тотенхем им е најсериозен ривал.

„Мислам дека во последните две-три години Тотенхем е меѓу најдобрите тимови во Англија. Тоа е добро за Премиер лигата, имаат нов стадион, големи играчи. Но, на крајот на краиштата ние сме Челзи и освојуваме трофеи, а тие не освојуваат ништо. Се надевам тоа да продолжи така“, изјави Азар.

„Ние се бориме за Топ 4 и мислиме меч за меч. Ни престојат тешки натпревари против Ливерпул и Манчестер Јунајтед, но ние сме секогаш во топ форма кога е најпотребно. Се наоѓаме пред голем предизвик и спремни сме да се исправиме пред него, ќе се обидеме да ги победиме конкурентите за да се пласираме во Топ 4 на крајот на сезоната“, додаде Белгиецот.

Eden Hazard pulled no punches when talking about Tottenham's new stadium! ?https://t.co/g9BqH5EqPi

— Goal News (@GoalNews) April 4, 2019

Азар имаше само пофални зборови за младата ѕвезда на Челзи, Ходсон Одој, кој е вистинско откритие оваа сезона.

„Јас сум секогаш тука ако му треба совет, но сметам дека тој веќе е голем играч. Не сум изненаден. Уште од првиот ден откако почна да тренира со нас тој покажа класа и неверојатен талент. Игра со голема самодоверба и му претстои блескава иднина“, заклучи Азар.