Адријано повторно се враќа на фудбалот

Легендарниот бразилски напаѓач, Адријано одлучи по тригодишната пауза да се врати во фудбалот.

Сега веќе 35-годишниот Адријано не играше фудбал три години, но тоа не им смета на бразилските клубови за да му понудат соработка, па така гигантот Фламенго е подготвен да му даде шанса на легендарниот напаѓач.Раководството на тимот во следните неколку дена на состанок ќе одлучи за Адријано. Наводно, многу се заинтересирани да го вратат повторно во тимот и тоа ќе му биде трет пат да го обчеле дресот од Рио де Жанеиро.

Адријано за Фламенго одигра 77 натпревари и постигна 31 гол. Во богатата кариера играше за Парма, Интер, Фиорентина, Рома, Сао Паоло, но во најдобрите години поради забава се откажа од фудбалот. Сепак, сега повторно сака да се врати на сцената. Иако има 35 години смета дека се уште може доста да понуди, а дали тоа ќе му успее, останува да видиме.

Популарниот Император своевремено се сметаже за еден од најдобрите напаѓачи во светот, но неспортскиот живот го доведе до пропаст и никогаш неговиот талент максимално не беше искористен.