„Адидас“ за полуфиналето против Ливерпул на Меси му спреми специјални копачки (ФОТО)

Фудбалерите на Барселона утре на свој терен ќе играат против Ливерпул во првиот натпревар од полуфиналето во Лигата на шампионите.

Каталонскиот клуб игра одлично оваа сезона, а минатиот викенд го освоија првиот трофеј оваа сезона и ја одбранија титулата шампион на Шпанија.

Секако, голема желба на Барселона е и трофејот во Лигата на шампионите, но во полуфиналето пред себе за противник го имаат одличниот Ливерпул.

Како и секогаш најмногу се очекува од Лионел Меси и навивачите на Барселона се надеваат дека Аргентинецот утре ќе биде расположен за игра против англискиот клуб.

Барселона вчера одработи тренинг пред натпреварот против Ливерпул, а Меси се појави во нови копачки. „Адидас“ овој пат на Меси му спреми копачки со нов дизајн.