Јунајтед може да го „украде“ Обамејанг пред носот на Челзи

Манчестер Јунајтед испратил понуда за напаѓачот на Барселона, Пјер-Емерик Обамејанг, објави добро информираниот новинар Џанлука Ди Марцио.

„Црвените ѓаволи“ бараат да го засилат нападот пред да се затвори летниот преоден рок и се смета дека 32-годишниот Габонец е одлична опција.

Тој во последните денови беше блиску до трансфер во Челзи, но клубовите не можат да се договорат за обештетувањето.

Тоа сака да ја го искористи Манчестер Јунајтед, кој е спремен да плати 20 милиони евра, колку што бара Барселона.