Јувентус сака да го продаде Влаховиќ

Раководството на Јувентус сериозно размислува да го продаде напаѓачот Душан Влаховиќ во јануари, пренесуваат италијанските медиуми.

Влаховиќ беше доведен како големо засилување за 80 милиони евра, но никако да ги оправда очекувањта, па оваа сезона постигна само 5 гола на 14 меча.

Србинот и во текот на летото беше на излезна врата, но не дојде до реализација на трансферот, па Јувентус е спремен да го продаде во јануари.

Сериозен интерес се уште покажува Челзи, но лондонскиот клуб има проблеми со финансискиот ферплеј и ќе мора најпрво да продава играчи.

Јувентус со продажбата сака да обезбеди средства за напаѓачот на Баер Леверкузен Виктор Бонифасе, кој има 14 голови и 7 асистенции во 21 меч сезонава.