Јувентус и Италија се простуваат од легендарниот Бониперти

Денеска од Јувентус соопштија дека починал легендарниот Џанпјеро Бониперти на 92 годишна возраст.

Бониперти ќе остане запаметен како легенда на Јувентус и Италија.

„Ова е вест која не сакавме никогаш да ја објавиме“, стои во објавата на официјалната страна на Јувентус.

Бониперти со Јувентус освои пет италијански титули, се уште е втор најдобар стрелец во клупската историја, а помеѓу 1971 и 1990 година беше претседател на клубот.

„Победувањето не е важно кога си во Јувентус, туку единственото нешто што е важно“, е познатиот слоган на Јувентус на кој автор е токму тој.