Како што пренесуваат италијанските медиуми Јувентус и Барселона покажуваат силен интерес за играчот на Милан и италијански репрезентативец, Матиа де Шиљо.
Договорот на Де Шиљо со Милан му истекува во јуни 2018 година и сеуште не се започнати преговори за продолжување на истиот, бидејќи сеуште не е комплетирана продажбата на клубот и не е дојдено новото раководство.
Луд викенд: "Ел Класико" во Шпанија и супер дербија во Англија и Италија! ↓↓↓
Таквата ситуација сакаат да ја искористат Јувентус и Барселона кои наводно веќе стапиле во контакт со неговиот агент.
Де Шиљо оваа сезона игра во одлична форма, а преднос е тоа што може да игра подеднакво добро како на левата, така и на десната бековска позиција.
Сепак, тешко е да се поверува дека Милан ќе се согласи на негова продажба и готово сигурно ќе му понуди нов договор со оглед на фактот што „росонерите“ минатото лето обија понуди од 25 милиони евра за Де Шиљо.