Јирген Клоп искрен: Сите клубови трошат многу пари, па мора и ние!

Менаџерот на Ливерпул, Јирген Клоп е познат како човек што секогаш го кажува тоа што го мисли.

Германецот ги предводеше Црвените до титулата во ЛШ, а целта за следната сезона е освојување на првенството, за кое Ливерпул чека цели 30 години.

Црвените претходните години потрошија многу пари на засилувања, а Клоп признава дека на тоа едноставно се принудени, бидејќи и другите трошат многу.

„Секој клуб троши многу пари и ние едноставно мораме да го направиме истото.“ – изјави Клоп за ZDF, и додаде:

„Ливерпул е амбициозен клуб и ако не вложиме исто пари како и останатите, нема да бидеме конкурентни. Сите клубови трошат немилосрдно па и ние сме принудени да го направиме истото.“

Најскапото засилување во историјата е Вирџил ван Дајк за кој платија 77 милиони фунти, а потоа следуваат Алисон, Кеита, Бентеке, Фабињо, Салах, Мане…

Пред Клоп и Црвените е голем предизвик во обидот за одбрана на титулата во ЛШ, но секако дека прва цел е освојување на лигашката титула.