Јасно е зошто Диего им кажа „да“ на Мексиканците: Марадона си обезбедил кралски услови!

Новиот тренер на мексиканскиот второлигаш Дорадос, Диего Марадона добил услови какви што немаат и многу поуспешни негови колеги.

За многумина беше изненадување што Марадона брзо ја напушти Белорусија и се пресели во Мексико, но кога ќе се погледнат условите јасно е зошто аргентинската легенда се одлучил на ваков потег.

Самиот договор е огромен, ако се знае дека клубот се натпреварува во втората лига во Мексико. Марадона ќе добива 1.9 милиони евра по сезона.

Освен тоа Диего си обезбедил и „кралски“ услови. Вилата со базен била прва на неговата листа на желб, исто така и чартер лет за секое гостување на клубот.

Мексиканците ги исполниле желбите на Диего, а останува да видиме дали сето тоа ќе им се исплати.

Иначе, овој тим катастрофално ја започна сезоната и од шест натпревари има исто толку порази.