Ѓоковиќ призна: Не сум најдобар во овој момент

Новак Ѓоковиќ пред почетокот на утрешниот Мастерс во Монте Карло призна дека не е во најдобра форма и поради тоа ќе ги намали целите и очекувањата.

Изминува првата недела од април, а Ѓоковиќ се уште е без трофеј во календарската година, па поради тоа третиот Мастерс ќе го дочека со поинакви амбиции.

„Во овој момент моите очекувања не се толку високи, посебно поради начинот на кој играв сезонава, но и поради начинот на кој играв во Монако претходните години. Ќе се однесувам согласно на ситуацијата и ќе ги намалам целите и очекувањата.

„Се надевам дека ќе го поминам тоа фамозно второ коло во Монте Карло и ќе играм барем полуфинале. Според мене најдобар тенисер во моментов е Јаник Синер, многу напредуваше во последните шест месеци“, изјави Ѓоковиќ.

Ѓоковиќ последен пат до финалето во Монте Карло стигна во 2015 година кога беше подобар од Томаш Бердих.