Шпанците тврдат: Еден играч на Реал е „недопрлив“

Фудбалскиот клуб Реал Мадрид верува дека уругвајскиот играч Федерико Валверде е некој околу кој ќе се формира тимот во иднина.

Со оглед на годините клучните играчи на Реал од претходните сезони повеќе не можат да го дадат истиот допринос. И покрај то што секако дека Крос, Модриќ, Рамос, Бензема…Можат да одиграат натпревар на ниво на светска класа. Во Реал мора да размислуваат на иднината и на тоа кој ќе биде лидер во наредните години.

Според сегашните најави од Шпанија тоа може да биде Феде Валверде кој зад Крос, Касемиро и Модриќ со своите 22 лета е еден од најдобрите играчи за врска во Европа и секако дека има уште простор за напредок. Валверде е столб на тимот, а со самото што е израснат во Мадрид добро ја знае вредноста на клубот.

Затоа медиумите тврдат дека не постои понуда која Реал ќе ја прифати за Валверде. Според „Трансфермаркт“ Валверде се проценува на 70 милиони евра.