Шоу на Меси и Алварез, Аргентина е во финале🎥

Аргентинската репрезентација е првиот финалист на Мундијалот во Катар, откако во полуфиналето ја победи Хрватска со 3:0.

Натпреварот почна израмнето и двете репрезентации водеа голема битка на средината од теренот.

Меѓутоа, во 34-та минута отпадна целата одбрана на Хрватска и Алварез излезе сам пред голманот Ливаковиќ, кој го фаулираше па судијата покажа на белата точка.

Меси беше прецизен за водство од 1:0, а само пет минути подоцна Алварез со соло продор ја измеша одбраната и зголеми на 2:0.

Во второто полувреме Хрватска фрли се на една карта и тргна во напад, а тоа оставаше простор за контранапади на „гаучосите“.

Во 69-та минута Меси со мајсторија ја измеша одбраната на Хрватска и му сервираше асистенција на Алварез кој погоди за 3:0.