Шаќири се враќа во Европа и ќе игра со тројца Срби?

Искусниот швајцарски интернационалец, Џердан Шаќири би можел ова лето да се врати во Европа и да потпише за тимот на Панатинаикос.

Порталот „СДНА“ кој важи за близок до Панатинаикос најави дека Шаќири е приоритет на „зелените“, додека идентични информации дека Шаќири сигурно заминува од Чикаго Фајр објавија и некои швајцарски медиуми.

Шаќири има 32 години, а во саботата беше елиминиран од Европското првенство со Швајцарија по изведување на пенали против Англија.

Интересно е и што ако потпише за Панатинаикос Шаќири ќе игра со тројца српски фудбалери (Филип Младеновиќ, Филип Ѓурикиќ и Немања Максимовиќ), а познати се неговите провокации во натпреварите со Србија.

Пред Чикаго Фајр, Шаќири играше за: Базел, Баерн, Интер, Стоук, Ливерпул и Лион.