Човекот кој ја сруши Германија: Најдобриот гол во мојот живот

Meксиканскиот фудбалер, Лозано кој го постигна победничкиот гол во натпреварот против Германија истакна дека тоа е најдобриот гол во неговиот живот.

Ирвинг Лозано постигна гол во 35 минута и донесе победа на својата репрезентација против бранителот на титулата Германија во првото коло од групата Ф на Мундијалот во Русија.

„Ова е најдобриот гол кој го постигнав во животот. Сите сонуваме да играме на Мундијалот, а да се започне турнирот на така позитивен и важен начин, мислам дека ова е мојот најдобар гол во кариерата“.

„Не знам дали ова ќе биде нашата најважна победа, но сигурно е едена од најважните. Одлично е што го започнавме турнирот со победа против актуелниот шампион. Тој е одличен резултат, тоа покажува колку напорно сме работеле“, изјави Лозано.

Во второто коло на 23 јуни, Мексико ќе игра против Јужна Кореја, а Германија против Шведска.