Челзи никогаш во историјата не примил повеќе голови во Премиер лигата

Eкипата на Челзи вчера претрпе тежок пораз од 5:0 против Арсенал и тоа за „топџиите“ беше највисоката победа во натпреварите против градскиот ривал.

Но, освен тоа со овие пет примени гола Челзи сруши и еден негативен рекорд кој се однесува на целата сезона. Имено, избраниците на Маурисио Покетино по 32 кола имаат примено 57 голови што е најмногу во историјата во една сезона за овој клуб.

Од Арсенал прими вкупно седум голови (5:0 и 2:2), од Вулверхемптон прими шест (4:2 и 2:1), од Манчестер Сити пет (4:4 и 1:0) исто толку и од Ливерпул (4:1 и 1:1), од Брентфорд четири (2:0 и 2:2)…

Со оглед на тоа како игра Челзи до крајот на сезоната рекордот веројатно ќе биде зголемен бидејќи „сините“ треба да играат против: Астон Вила, Тотенхем, Вест Хем, Нотингем Форест и Брајтон.