Чави: Целта е на крајот да бидеме во топ 4 на табелата

Tренерот на Барселона Чави Ернандез разбирливо беше разочаран после ремито со Осасуна во 17. Коло од Ла Лига (2:2).

Каталонците два пати водеа, но домашната екипа успеа да дојде до бод.

„Ремито не е доволно. Добро се држевме. При 2:1 требаше да ја задржиме повеќе топката, но не го направивме тооа. Се мачевме премногу. Не можевме мирно да играме на противничката половина. Не успеавме, не можевме да се избориме со негативната динамика во која паднавме“.

„Имаме допринос од младите. Поддршката во овие тешки моменти е важна. Нивниот труд е неверојатен. Мораме да продолжиме да веруваме, ќе биде тешко да ја промениме оваа динамика. Имавме победа во рацете, но дозволивме да ја испуштиме“.

„Целта е да бидеме меѓу најдобрите четири и да се обидеме да се вмешаме во борбата за титулата. Зошто да не? Ќе биде тешко, но мораме да продолжиме да веруваме“, нагласи Чави.