Чави: Не сме слепи, Реал свесно влиае на судиите

Тренерот на Барселона, Чави Ерандез уште еднаш го обвини големиот ривал Реал Мадрид дека врши влијание на судиите во Ла Лига.

Веќе неколку недели клупската телевизија на „кралскиот клуб“ емитува снимки од судиски одлуки на нивна штета.

„Веќе реков дека раководството на Реал Мадрид влијае на судиите и тоа го прави секоја недела. Тоа не ми се допаѓа. Мислам дека тоа го прави првенството бесмислено. Судиите се под влијание и тоа е факт“, истакна Чави.

„Судиите влијаат врз резултатите, со тоа и на исходот на целото првенство, не сме ни слепи ни глупави, тоа го кажа и Диего Симеоне неодамна, но сепак ништо не се менува“, додаде Чави.