Чаби Алонсо на раскрсницата помеѓу Реал Мадрид и шанса за бесмртност

Точно една година откако Чаби Алонсо изненадувачки го презеде Баер од Леверкузен по катастрофалниот старт на сезоната и за краток временски период создаде еден од најинтересните тимови во Европа кој го игра најдобриот фудбал од распадната група талентирани фудбалери.

Иако сега се изгледа одлично и треба да ужива во тоа што го изградил, Чаби Алонсо е во непријатна ситуација и се наоѓа пред една од најтешките одлуки во кариерата.

Леверкузен на почетокот на минатата сезона беше на претпоследната позиција во Бундеслигата и неизбежно беше заминувањето на тренерот Херардо Сеоан бидејќи стана кристално јасно дека тој повеќе не може да го извлече тимот од бездната. Претходната сезона тие завршија на третата позиција играјќи атрактивен фудбал.

Вредноста на многу фудбалери скокна, а пред нив беше Лигата на шампионите. Но, повредите на првиот стрелец Патрик Шик и вундеркиндот Флоријан Виртц го доведоа Сеоан во очај, а поради немањето навремени реакции и квалитетен план Б, тимот падна во борба за опстанок.

Ова значеше дека спортскиот директор Симон Ролфес и претседателот на Одборот на директори Фернандо Каро се соочија со нивниот најголем предизвик досега и нивниот следен потег мораше внимателно да се подготви и спроведе.

Леверкузен, како што споменавме, веќе имаше многу добар тим чија вредност значително порасна и лош избор на следниот тренер на клупата и продолжување на лошите резултати би значело губење на се што вреди во тој тим.

Тешко е да се одолее на кралскиот повик, но можеби е попаметно да се остане во Баер уште неколку сезони и постепено да се изгради успех. Затоа на Алонсо сега му е најтешко кога треба да ужива и да ги живее најубавите моменти бидејќи неговиот тим навистина го игра најдобриот фудбал.

Чаби во Леверкузен има можност да стане личноста која го издигна клубот од вечниот просек и го направи поголем од кога било, а тоа е нешто посебно, нешто што останува запишано со златни букви во историските книги. И ако таа промоција би значела освојување на првата титула во германскиот шампионат, тоа носи бесмртност во клубот.

Има време за Мадрид, бидејќи Реал сигурно не може да го направи поголем отколку што е веќе.