Хрватот кој го напушти Еурофарм: Зборот на Лазаров во Македонија е поголем од оној на претседателот

Ловро Јотиќ беше еден од најдобрите ракометари на Еурофарм Пелистер, меѓутоа Хрватот го напушти битолскиот клуб и се пресели во Бенфика.

Од кога си замина Јотиќ во медиумите во неговата татковина зборуваше за искуството кај нас, помеѓу другото го спомена и Кирил Лазаров.

„Македонија е земја во која сите го сакаат ракометот. Таму навистина се сака и се следи овој спорт, имаат големи успеси и навивачите се фанатици. Кирил Лазаров е вистинска легенда, луѓето на шега велат дека зборот на Кире е поголем од претседателот на Македонија. Ќе направам една споредба, тоа што Лука Модриќ е кај нас нешто слично е Лазаров во Македонија, иако не можам да споредам затоа што Хрватска има повеќе успешни спортисти“, изјави Јотиќ.