Холандски репрезентативец пред трансфер во Ливерпул!

Како што пренесуваат медиумите на Островот, холандскиот репрезентативец Квингсли Промес е пред трансфер на „Енфилд“ во јануарскиот преоден рок.

Промес се етаблираше во дресот на Спартак Москва, а тамошните медиуми тврдат дека веќе се простил со своите соиграчи и најавил трансфер во Премиер лигата.

Ливерпул бара засилување на таа позиција, па откако ја загуби битката за Јулијан Дрекслер се насочи кон ангажман на Холанѓанецот.

Поранешниот играч на Твенте може да игра на двете крилни позиции, но и како „лажба деветка“, па би бил идеална замена за Садио Мане кој ќе замине на Африканскиот куп на нации.

Медиумите сеуште не ги објавиле финансиските детали од трансферот, но „црвените“ за потписот на Промес би требало да платат околу 15 милиони евра.