Хаос во Арсенал: Играчите му кажаа НЕ на раководството

Арсенал на своите играчи им понуди намалување на платите со нешто поинакви услови во однос на останатите екипи.

На фудбалерите би им биле намалени примањата за 12.5% оваа сезона, но во случај да се пласираат во Лига на шампиони клубот ќе му ги исплати целите плати.

Не само тоа, Арсенал понуди дека ќе им ги врати две третини од намалувањето ако тимот успее да се пласира во Лига Европа.

Меѓутоа, играчите категорично ја одбија оваа понуда што може да создаде големи финансиски проблеми во клубот, бидејќи ситуацијата беше лоша и пред панедмијата.

Пласманот во Лигата на шампиони за Арсенал оваа сезона ќе биде многу тежок бидејќи имаат 8 бода помалку од четвртопласираниот Челзи.