Хансен со огромни пофалби за „Ел Команданте“: Со Раул се е поинаку

Микел Хансен зад себе има одлични години и турнири, но никогаш данскиот лев бек не изгледаше како во претходните 17 денови.

Најдобриот играч на ова Светско првенство имаше одлична есен во Пари Сен Жермен се препороди минатата сезона во која имаше проблеми со здравјето и статусот бидејќи новодојдениот Сандре Сагосен му ги „крадеше“ минутите во Париз.

„Минатата сезона беше тешка. Имав мала минутажа, помала од она што го очекував, но така е понекогаш. Тогаш едноставно мораш да ги засукаш ракавите и да работиш. Оваа сезона имаме нов тренер, Раул Гонзалез кај кого имам значително поголема минутажа. Освен тоа целокупниот процес на тренингот е различен. Сите можат да видат дека играм по зрело и дека мојата форма е во нагорна линија“, изјави Хансен.

Ова секако се големи пофалби за селекторот на нашата репрезентација.