Халанд и дружината го прегазија Јунајтед🎥

Манчестер Сити го доби градското дерби со Јунајтед, откако на „Олд Трафорд“ славеше со 3:0.

„Граѓаните“ полесно од очекуваното го добија дербито и практично не му дозволија на Јунајтед да направи поголеми шанси.

Најпрво беше досуден пенал откако Хојлунд го собори Родриго во казнетиот простор, а сигурен реализатор беше Халанд.

Истиот играч во вториот дел зголеми на 2:0, а одличниот Онана го спречи Норвежанецот да дојде до хет-трик.

Конечните 3:0 беа дело на Фојден на десетина минути пред крајот.