Халанд е новиот Ибра – тој е идеален за Реал Мадрид!

Новото „чудо“ на европскиот фудбал, Ерлинг Халанд оваа година го воодушеви фудбалскиот свет и покажа дека има потенцијал да биде најдобар фудбалер во светот.

Словачкиот тренер, Станислав Мачек му беше тренер  на 19-годишниот Норвежанец во Салцбург и смета дека тој е идеален за Реал Мадрид.

„Халанд е современиот Златан Ибрахимовиќ. Дури би рекол дека е подобар од Ибра во однос на движењето на теренот и брзината. Ерлинг покажа дека е многу психички силен, ако продолжи така сигурно ќе го гледаме во некој клуб од рангот на Реал Мадрид. Сметам дека Халанд е создаден за да игра во Реал, нема сомнеж во тоа“, изјави Мачек.