Француската легенда: Добро е Нејмар што се повреди, не можам да го гледам повеќе

Кристоф Дугари, тврди дека ПСЖ подобро игра кога во тимот не е Нејмар и упати жестоки критики кон Бразилецот.

Тој тврди дека повредата на Нејмар е добра вест за клубот, но и за тренерот Галтие.

„За ПСЖ добра вест е повредата на Нејмар. Верувам дека тоа е неверојатна среќа за тренерот Галтие. Тимот има многу подобар биланс со пет играчи во одбраната, тројца во средниот ред и двајцата напаѓачи Лионел Меси – Килијан Мбапе”, изјави Дугари.

„Не можам веќе да го гледам. Не можам да го поднесам. Ме нервираат дури и неговите дриблинзи, неговиот став. Се изморив од него и не сакам повеќе да го гледам на терен. Без Нејмар, ПСЖ веројатно ќе игра поповлечено и на контра напади. Овој тим не е во состојба да контролира натпревар кога ќе загуби посед, тројцата напаѓачи не се враќаат во одбрана и тогаш тимот е во опасност“, додаде поранешниот француски репрезентативец.