(Фото)Сега е среќен: Синот на Бонучи се сретна со својот идол!

Минатиот викенд фудбалерите на Јувентус го прославија Скудетото, а големо внимание привлече сцената на синот на Бонучи, Лоренцо кој не сака да слави во дресот на Јуве бидејќи е голем навивач на Торино.

Малиот Лоренцо со солзи во очите излезе на шампионското славје, не сакаше да го допре Скудетото и беше тажен што на себе мора да го носи дресот на Јувентус.

Иако неговиот татко е ѕвезда на Јувентус, тој е голем навивач на Торино и негов идол е Андреа Белоти.

Поради тоа вчера Бонучи го однесе на вечера својот син со неговиот идол Белоти, а на Твитер напиша: „Сега сум многу среќен, не како на прославата на Скудетото“.