Фабрегас го напушта Челзи и како слободен играч се сели во Серија А?

Шпанецот заминува од Челзи, договорот му истекува на крајот од сезоната „Сините“ би го продале во јануари со цел да заработат нешто, но многу поверојатно е да очекуваме да замине како слободен играч на лето.

Фабрегас нема ништо против Сари, но за него во формацијата 4-3-3 нема место, Жоржињо добива предност, а тука се уште Рос Баркли, Ковачиќ и Канте, јасно дека нема да изнаигра.

Би требало да биде во тимот во утрешниот натпревар во Лига купот против Ливерпул, но не и неколку дена подоцна кога Челзи и Ливерпул ќе се сретнат повторно овој пат во Премиер лигата.

Како слободен играч би можел да бира каде да ја продолжи кариерата, за четири сезоно во Челзи има две титули, освои два купа и за клубот кој купи од Барса и тоа како се исплатеше.

Одигра скоро 200 натпревари, а сега според италијанските медиуми веќе разговарал со Леонардо и Милан е спремен да го доведе наредното лето. Сепак, ако Фабрегас го избере Милан ќе мора да прифати помали примања од оние кои ги има во Лондон.