Турската легенда: Елмас го купивме за 500.000 евра, а сега вреди 50 милиони!

Македонскиот репрезентативец Елиф Елмас синоќа имаше уште еден одличен настап за Наполи против Барселона.

Елмас  со одличен дриблинг го исфрли од игра Жорде Алба и му асистираше на Зиелински за водство на Наполи.

Поранешниот турски фудбалер и тренер на Фенербахче, Ајкут Кочаман имаше само пофални зборови за Елмас по вчерашниот настап против каталонскиот гигант.

„Елмас пристигна кај нас за 500.000 евра, а сега вреди 50 милиони. Го гледав неговиот последен настап, тој беше главен на теренот. Настапот на Елмас беше вистинско уживање“, кажа Кочаман.

Елмас веќе две и пол години е во Наполи, а оваа сезона игра одлично под палката на Спалети.