Трка за Златната копачка: Еве како стојат работите

Бидејќи Баерн се уште е во игра во Лигата на шампионите, Роберт Левандовски уште не ја завршил сезоната во која е фантастичен.

Полскиот голгетер сезонава во Баерн постигна 51 гол на 43 натпревари, а 34 гола во германскиот шампионат што му беа повеќе од доволни за титулата најдобар стрелец.

Левандовски е многу блиску и до европската Златна копачка иако се уште не е сигурен. Имено, сезоната во Бундеслигата е завршена, додека неговите конкуренти имаат уште по шест натпревари во Серија А.

Во Серија А се води голема борба за прв стрелец помеѓу Имобиле и Роналдо.

Имобиле е на 29 голови, но по рестартот на сезоната како и целиот Лацио и тој падна во формата. Откако вчера Кристиано Роналдо постигна два гола од пенал сериозно се доближи до Имобиле, а така влезе и во трката за Златната копачка. Португалецот на шест кола пред крајот е на 28 гола.

Значи Имобиле и Роналдо имаат шанси да го престигнат полскиот голгетер, па ќе биде интересно да се следи оваа трка.