Тандем од соништата: Анри и Тери го преземаат славниот англиски клуб!

Очајната форма во Чемпионшипот, и резултатската криза го чинеа губење на работното место на Стив Брус кој доби отказ на клупата на Астон Вила.

Се споменуваше дека на тренерското место на клубот од Бирмингем би можел да седне Тиери Анри, но изгледа дека на клупата на Астон Вила ќе седи тренерски тандем.

Имено „Дејли Меил“ пренесува дека Анри ќе биде именуван за нов тренер на Вила, а негово прво засилување ќе биде Џон Тери кој ќе ја има функцијата на негов асистент.

Постои можност Тери, кој минатата сезона ги бранеше боите на овој клуб, да извршува улогата на тренер и играч, но тоа се уште не е потврдено.

Нивната цел ќе биде сосема јасна, да го вратат клубот во Премиер лигата. Сигурно им недостасува искуство во тренерската работа, но имаат знаење и шампионски менталитет.