Судот во Загреб донесе одлука за обвинувањата кон Модриќ

Лука Модриќ нема да одговара за лажно сведочење.

Како што дознаваат хрватските медиуми, постапката на судот против Лука Модриќ е запрена.

Општинскиот суд во Загреб оваа година ја отфрли тужбата против Модриќ, но обвинителството испрати жалба. Сега против оваа одлука не постои можност за испраќање на нова жалба.

Играчот за врска на Реал Мадрид се обвинуваше дека на судењето за Здравко Мамиќ не ја зборувал вистината и давал лажни изјави во корист на првиот човек на Динамо.

Мамиќ подоцна беше осуден на затворска казна од шест ипол години, но ја напушти Хрватска и замина во Босна каде што се уште се наоѓа.