Судијата кој делеше правда на последното „Ел Класико“ ќе и суди на Македонија против Ерменија

Oдреден е судијата кој во четврток ќе и суди на Македонија во Ереван во претпоследниот натпревар во квалификациите.

Шпанецот Хозе Марија Санчез Мартинез е избран за главен судија на оваа средба која се игра во четврток во терминот од 18:00 часот.

Во овој момент Санчез важи за еден од најдобрите судии во Шпанија и Европа. Доказ колку во Шпанија му веруваат е тоа што доби прилика да суди на последното „Ел Класико“ на 24. октомври.

За ВАР собата ќе бидат задолжени судии од Италија.