Суарез: Ако Меси ме праша, ќе му кажам да остане во Барселона

Голгетерот на Атлетико Мадрид, Луис Суарез изјави дека негов совет до ѕвездата на Барселона Лионел меси е да не го напушта „Камп Ноу“.

Двајцата испишаа историја во Барселона и се големи пријатели, а Меси ова лето е на крстопат и неговата иднина е нејасна.

Аргентинецот минатото лето сакаше да ја напушти Барселона, а договорот му истекува ова лето и не се знае дали ќе го продолжи.

„Ако Меси ме праша, како пријател, ќе му кажам дека не го гледам надвор од Барселона. Тоа нема да биде добро за него. Меѓутоа, тој сам треба да донесе одлука“.

„Најдобро за него е после три, четири, пет години да ја заврши кариерата  таму каде што е најсреќен. Барса му даде се, а и тој даде се за Барса“, изјави Суарез.